|
  
|
一年一度o既 Cmidi X'mas Party 又同大家見面 
又係時候同其他會員同管員盡情玩番日
今年我地都會有美味o既小食，精彩o既遊戲同豐富獎品等住大家
唔好諗咁多啦
快o的報名啦
名額有限，先到先得
快o的同埋一大班 friends 報名啦
活動詳情如下：
主辦團體：CMIDI 原創音樂協會
日期：2006 年 12 月 27 日（星期三）
時間：13:00 - 16:30
地點：香港童軍總會 1114 室
對象：本站會員
名額：60 位
費用：當日繳費 $60
透過銀行存款或轉賬優惠價 $50（詳情可向本人查詢）
形式：小食，遊戲及抽獎
集合時間：12:45
集合地點：佐敦地鐵站內 D 出口
我會擔任司儀架，仲唔快ｄ報名支持？！
| CMIDI 歌手十月份表演活動 |
http://cmidi.com/ftp/731_prom_video/v/cmidi_concert_promotion1.wmv
http://cmidi.com/ftp/731_prom_video/v/cmidi_concert_promotion2.wmv
各位仲有一個星期咋，
仲唔快Ｄ買飛黎睇我地個音樂會？
舉行日期：２００６年７月３１日（星期一）
舉行時間：７：３０ ＰＭ
演出地點：牛池灣文娛中心劇院
售票地點：城市電腦售票網（通利琴行、各區大會堂及文娛中心）
票 價：＄７０（學生）／＄９０（成人）
地址︰九龍清水灣道 11 號牛池灣市政大廈 3 樓
彩虹站 B 出口離開地鐵站後轉右行1 - 3 分鐘，沿途會見到中國銀行（香港）彩虹分行（右邊）其他交通情況：http://www.cmidi.com/coma/viewthread.php?tid=175&extra=page%3D1
條宣傳短片我係導演、編劇同攝影架＝]
CMIDI 原音拉闊音樂會
CMIDI Music in Live
CMIDI 已先後舉辦兩次音樂會
基於去年 CMIDI 原創動力音樂會的經驗，以及觀眾對我們的支持
本會計劃於本年暑假期間舉行第三次音樂會
詳情如下－
舉行日期：２００６年７月３１日（星期一）
舉行時間：７：３０ ＰＭ
演出地點：牛池灣文娛中心劇院
售票日期：２００６年６月３０日起
售票地點：城市電腦售票網（通利琴行、各區大會堂及文娛中心）
票 價：＄７０（學生）／＄９０（成人）
座位數目：３５４（門票設有劃位）
查詢電話：８１０３ ６３００
６１９８ ６３１２
（未接來電者請留低口訊，會有專人盡快回應）
查詢電郵：vincent@cmidi.org.hk
entonie@cmidi.org.hk
主辦機構：CMIDI 原創音樂協會
CMIDI Original Music Association
參考網址：http://www2.lcsd.gov.hk/cf/searc ... ang=b5&id=47030
演出人員名單
男歌手：糊仔、Racson、阿天
女歌手：尹星雨、skyK、夏芊琳、VH
鍵琴：苦榮、幻影
結他：Racson、糊仔
低音結他：阿毛
鼓手：ar隆
色士風：龍的傳人
＊親愛的同學仔，朋友仔，快ｄ買飛支持我，支持其他CMIDI音樂人，支持原創音樂啦～～～早Ｄ買飛可以買得前Ｄ架～～～
日期：2006年4月15日（今個星期六）
時間：3:00p.m. ~ 5:30p.m.
地點：海港城港威商場地下大堂
嘉賓：謝安琪、張繼聰、ISONG星級歌曲創作單位、
資深音樂人黃志淙、農夫、DJ Tommy
屆時我將會於Part 1演唱《愛與不愛》。
並於Part 2與另一ISONG單位、黃志淙、謝安琪及張繼聰用樂器Jam歌。
密切留意！有空記得來捧場～＊
＊希望我的感冒及喉嚨痛快點痊癒，否則真是無可奈何了。
順便的宣傳一下，《漂流記》上了SINA ISONG的榜。
http://isong.sina.com.hk/cgi-bin/is/index.cgi （第十位《漂流記》）
有心的話，請支持一下，
每個星期投下一次神聖的票！
http://isong.sina.com.hk/cgi-bin/is/vote.cgi（打剔剔於10號《漂流記》）
另外，昨天SINA的Salina打來告訴我，
樂評人黃志淙加入了SINA，評了我的《漂流記》，
Nokia方面出了稿。
相關報導將於今期「便利」及「Milk」刊登，
有興趣的話，可以買本看看（裡面不會有我的相XDDDD）。
再另外，如果想聽聽的唱歌的話，
請於4月15日下午（時間未知，大約3時左右吧）到海港城吧。
SINA ISONG會搞一個「星級歌曲巡禮」。
屆時我會唱《愛與不愛》，更會於其他星級人馬與黃志淙jam歌。
（其實我仲考緊Alevel，只此一次啊，
兩三個鐘就豪俾佢啦，鬼叫我衰心軟，唔識推）
再再另外，喜歡ROM的朋友請注意，
4月16日將會為Patrick@ROM舉辦一個生日會，到時會jam歌！
想去的朋友快點到此報名。（我不是去表演，我是去幫手的＝]）
再再再另外，很高興，有機會親臨本屆金像獎頒獎典禮。
當然，我不可能是以嘉賓的身份去，我只是去當工作人員。
不過要穿得很Grand，因為我的工作大約是……
假設林嘉欣上台說話，我就要去坐她的位子，
以確保Camera拍下來的時候，不會有椅子空了。
（詳細及實際工作情序暫不清楚，大約應該是這樣吧）
不過很緊張，可能梁朝偉、劉德華、黃秋生、周杰倫會坐在我的前後左右。
已完成所有UE Papers，中化Papers亦只欠一個餅未食。
三天後就是ECON了，我要繼續溫書了！！！！！！！
ISLM、Unemployment、Exchange Rate、BOP我唔怕你架！
我要兩日睇晒佢！！！
其實我仲要極速複習Micro，因為已經係Mock之前既事。
仲要做多幾份Past Paper！！！！
努力！！！！！！！！！！！！！！！！！！！！！！
好高興可以同《戀上你的BLOG》既作曲人Alex Lung合作，
本身合作係target首歌sell俾Twins，
不過過左隻碟既收歌期太耐，惟有就咁放係market到，
過左3個月都冇咩聲氣，所以放係網上分享下～～～
佢既home studio真係好pro，mic正headphone正software正，
Alex既監製才能同混音技術都好好。
學左好多野＝]。
原址：http://www.cmidi.com/d5/midi_show.php?job=show&id=1142187040
歌曲下載：http://www.cmidi.com/mymidi/midi_mp3/1142187040_1.mp3
或：http://sacrisar.com/music/original_floating.mp3
漂流記
原唱歌手：尹星雨
原曲作者：Alex Lung
原曲作詞：尹星雨
原曲編曲：Alex Lung
監製及混音：Alex Lung
想出出海駛到很遠 航行一週七天尚如願
沿途開心的過轉眼竟了斷 船在碎浪裡轉 沉沒了又破損
＊流落海上撤退 讓我流下眼淚等誰
既要生 也要死 就當捱得下去
無奈這樣怨懟 連累自尊失去
船上七夜告吹 一雙鴛侶難道要誓死相隨
某某君 說過想 伴我尋覓愛的島嶼
全部已是過去 遺下自己一個去＊
漂出深海找片真愛 何其堅貞因孤寂難耐
浮沉一息間等相愛的意外 期望會被接載 然後上岸看海
Repeat＊
隨著風浪進退 學會抹乾眼淚愛得乾脆
我要生 哪怕死 定會捱得下去
無謂這樣怨懟 從沒什麼不對
船上七夜告吹 傷心的要忘掉快樂要相隨
某某君 說過想 伴我尋覓愛的島嶼
承諾縱是破碎 尤幸當祝福愛侶
流浪愛海廿歲 亦要追
雨語：（30/10/2005－第55首作品）
一首錄音及混音也很出色的歌。
尋覓愛情就像於海上漂流般驚心動魄，
滿以為上對了船，結果船還是會沉，
於是又繼續於愛海上浮沉，
等待再被接上船，等待靠岸的終點站。
究竟，要漂流多少次才能得到永遠的幸福呢？
＊上載左去SINA ISONG，相信不日內會審核完成，
到時就可以公開收聽喇～希望各位多多支持。
呢個BLOG既背景音樂都係用緊《漂流記》哦～～～＊
大家好～心血來潮，執左一執開左n年既SINA Blog。
未知會唔會長用，因為本身已經有blog……
不過點都好，盡量update多ｄ野啦。
好多謝各位一直以來既支持。
好多謝曾經係呢個荒廢既Blog留言既朋友仔。
好多謝SINA ISONG部門，特別係Salina同Kenji。
好多謝SINA ISONG一直以來俾咁多機會我係海港城表演。
多謝晒。＝]
向各位say個hi先～～～
早前應SINA ISONG之邀請，
幫東方日報副刊Young Post做左一個電話訪問，
訪問於2月23日刊出。
